NAFN: Beata Kocot.

TITLAR: Reglulegur sigurvegari í Dancehall, Hiphop og 'All styles' flokkunum í
Street dans Einvíginu síðan 2015.
Bronsverðlaunahafi í alþjóðlegu danskeppninni Dance World Cup 2019.

VIDEO:


BAKGRUNNUR:
Beata byrjaði að dansa hjá Natöshu þegar við vorum með námskeið í Hafnarfirði. Hún var mjög
áhugasöm og ekki leið á löngu þar til Beata var farin að mæta yfir 8x í viku í danstíma hjá okkur.

Orkan hennar er smitandi og ekki leið ekki á löngu þar til hún og Hrafnhildur fóru að sjá um æfingar
með yngri danshópnum og settu saman atriði fyrir nemendasýningar '13 og '14. Þær byrjuðu að
kenna saman sem dúó árið 2015 og eru vinsælir kennarar enda báðar með mikla ástríðu fyrir
dansinum. Beata æfir enn og kennir af krafti ásamt því að læra Snyrtifræði. Beata er einhver
sterkasti dansari innan skólans okkar og hefur mikil áhrif á yngri kynslóðirnar með þessum
einstaka eldmóð sem við elskum öll. Hún tileinkar sér fjölbreytta dansstíla og er eins og vatn sem
finnur sér alltaf leið í gegnum hindranir. Beata er einstakur dansari og vinsæll kennari í skólanum.

Beata og Hrafnhildur kalla sig Twice as Nice og tóku eftirminnilega þátt í Ísland Got Talent 2015
ásamt því að koma fram með Basic House Effect, Glowie og á ýmsum viðburðum. Þær voru aðal
sprauturnar bakvið þátttöku FIRE OUT danshópsins í Dance World Cup 2019 og unnu bronsið.

NAFN: Brynjar Dagur Albertsson

TITLAR: Margfaldur sigurvegari í Popping og 'All Styles' flokkunum í Street Dans Einvíginu.
einnig hópaflokki 2013 og 2015. Sigurvegari Ísland got Talent 2014.
Gullverðlaunahafi í tvíliðaflokki í alþjóðlegu danskeppninni Dance World Cup 2019.
Silfurverðlaunahafi í einstaklingsflokki í alþjóðlegu danskeppninni Dance World Cup 2019.

VIDEO:


BAKGRUNNUR:
Eins og flestir vita þá vann Brynjar Ísland Got Talent 2014. Hann hefur opnað nýjar dyr fyrir street
dans á Íslandi og kynnt þjóðina fyrir Popping stílnum. Það er til fyrirmyndar hvernig hann vinnur að
listinni sinni. Með ástríðu fyrir dansinum og óþreytandi æfingum hefur hann komið sér alla leið hingað,
og allt með þessari sjarmerandi hógværð.

Brynjar er vinsæll kennari meðan danshópanna okkar sem flykkjast öll í tímana hans til að sjá hvar
er staddur þann daginn og til að fá nýjan vinkil á þá stíla sem við kennum. Hann er mikill pælari og
er fyrirmynd þeirra sem æfa hjá okkur. Það er alltaf 'showstopper' þegar Brynjar mætir á svið.

Hann hefur margsinnis unnið Popping og 'All Styles' flokkana í STREET DANS EINVÍGINU, einnig hópa-
flokkinn (crew choreography) með danshópnum sínum Cyborgs. Öll dansfjölskyldan er að springa úr
stolti, hann vekur nýja 'inspiration' hjá okkur öllum. Brynjar er nákvæmur kennari og vekur mikinn
áhuga hjá nemendum okkar sem hafa flest fylgst með honum síðan hann vann Talentið.

NAFN: Luis Lucas Antonio Cabambe

TITLAR: Gullverðlaunahafi í tvíliðakeppni í alþjóðlegu danskeppninni Dance World Cup 2019.

VIDEO:


BAKGRUNNUR:
Luis kom eins og þruma úr heiðskýru lofti að æfa hjá Brynju árið 2014, þessi smitandi
gleði og orka sem einkennir hann á öllum okkar viðburðum sást strax á dansæfingum.
Hann byrjaði strax að æfa alla þá stíla sem hann komst í og hefur síðan haldið mikilli
tryggð við dansnámið sitt, enda heldur hann áfram að bæta sig á hverju ári. Luis er
óhræddur við alla stíla og mætir í Afrískan dans, Dancehall og hvað sem honum dettur
í hug. Dansari af lífi og sál sem birtir upp danstímana sem hann mætir í.

Luis er vinsæll kennari innan skólans og það er ekki óvanaleg sjón að sjá hann labbandi
um á nemendasýningum með her af krúttum í eftirdragi því honum hefur dottið í hug að gera
eitthvað fyndið og sannfærir alla að vera með. Hann er ómetanlegur stuðningur fyrir samfélagið
hér og endalaus uppspretta gleði. Luis er einnig farinn að semja fyrir danshópana okkar með
frábærum árangri - hann er með einstakt hugmyndaflug og djúpan skilning á dansinum.

NAFN: Carina Denisa Blaga

TITLAR: Bronsverðlaunahafi í hópakeppni í alþjóðlegu danskeppninni Dance World Cup 2019.

VIDEO:


BAKGRUNNUR:
Carina byrjaði 11 ára að æfa hjá okkur og hefur alla daga síðan verið einhver dyggasti nemandi
dansskólans frá byrjun. Hún nálgast dansnámið af mikilli virðingu og hógværð, en það hefur verið
alveg einstakt að fylgjast með henni blómstra. Hún varð hluti af TheSuperKidsClub Originals þegar
hópurinn var nýstofnaður og þar var hún komin meðal dansara sem urðu fljótt mjög áberandi í dans-
senunni (Twice as Nice Crew og Cyborgs hóparnir t.d.) svo hún þurfti að spýta í lófana.

Einn daginn, nokkrum árum seinna, mætti Carina þríefld inn á dansæfingar og rúllaði upp öllu sem
við hentum í hana. Hverjum hefði grunað að þessi hógværa og blíða manneskja gæti orðið að svona
miklu trölli í dansinum. Sagan hennar er mjög sérstök og sannar það að það er aldrei ástæða til
að gefast upp. Við erum svo stolt af henni. Í dag er Carina orðin að einum af okkar vinsælustu
kennurum, hún er dáð af öllum hópum sem hún kennir enda mætir hún þér af einlægni og öllu hjarta.
Manneskjur eins og Carinu finnur maður ekki á hverju strái.

NAFN: Guðrún Kara Ingudóttir

NAFN: Steinunn Glóey Höskuldsdóttir

TITLAR: Sigurvegari í House flokkum í Street Dans Einvíginu 2018.
Bronsverðlaunahafi í hópaflokki í alþjóðlegu danskeppninni Dance World Cup 2019.

VIDEO (samstarfsverkefni með TheSuperKidsClub JRS hópnum en Glóey er meðlimur):


BAKGRUNNUR:
Glóey er byrjaði 10 ára að dansa hjá okkur í Dans Brynju Péturs og hefur frá byrjun verið hungraður
dansari, leggur nám á alla þá stíla sem hún kemst í og alltaf pottþétt þegar kemur að sýningum. Það
var auðveld ákvörðun þegar kom að því að velja inn í yngri danshópinn TheSuperKidsClub JRS, Glóey
hefur allt til brunns að bera til þess að verða brilliant dansari.

Hún og Karen eru "nýja unga kennarateymi" skólans því þær hafa séð um sýningar með JRS, haldið
utan um æfingar og skipulag. Það skeði eins náttúrulega eins og með Hrafnhildi og Beötu fyrir 5
árum síðan. Glóey stundar dansnámið af krafti, einstaklega fókuseruð og mætir í alla stíla sem
kenndir eru við skólann. Þessi magnaða atorkusemi og hennar einstöku vinnubrögð hafa skilað sér
því hér er á ferðinni sterkur uppkomandi dansari sem á eftir að valda usla í framtíðinni.

Glóey fór til New York sumarið 2019 og lærði hjá frumkvöðlum og áhrifavöldum. Okkur finnst mjög
mikilvægt að gefa ungum ábyrgðarfullum dönsurum ábyrgð og tækifæri. Glóey hóf kennslu ung að aldri
undir umsjón okkar allra og hefur á stuttum tíma mótað góða nálgun í kennslu af einstakri natni.

NAFN: Karen Jóna Jespersdóttir

VIDEO (Samstarfsverkefni með TheSuperKidsClub JRS hópnum en Karen er meðlimur):


BAKGRUNNUR:
Tvöfaldur bronsverðlaunahafi í hópakeppnum í alþjóðlegu danskeppninni Dance World Cup 2019.

BAKGRUNNUR:
Karen var nemandi Brynju frá byrjun, síðan hún var 9 ára gömul og ég man ennþá eftir henni því
hún var svo áhugasöm og henni langaði alltaf að vita allt um það sem ég var að tala um eða fara
yfir. Það er ofboðslega gaman að fá svona hausa í tíma til sín því þau tendra gleðina og tilganginn
hjá okkur dönsurum og kennurum.

Karen hikaði ekki þegar henni bauðst að fara í eldri hópa og læra fleiri stíla en hún mætir á allar
æfingar og stækkar jafn mikið í loftinu eins og hún breikkar í dansþekkingu. Hún er einstaklega sterkur
og agaður dansari með góðan grunn og skilning á fjölbreyttum dansstílum. Karen og Glóey hófu kennslu
saman ungar að aldri eins og Hrafnhildur og Beata gerðu 5 árum áður. Okkur finnst mikilvægt að gefa
ungum og ábyrgðarfullum nemendum tækifæri, enda eflast þannig þessir flottu einstaklingar og ná enn
lengra í dansinum, svo ekki sé minnst á persónulega þroskann sem fylgir.

Karen er metnaðarfull og mikill ástríðudansari sem fer ekki framhjá neinum þegar hún dansar. Hún hefur
alltaf tekið þátt í öllum viðburðum skólans og er einhver dyggasti stuðningsfulltrúi dansskólans okkar.
Það er alltaf hægt að treysta á að Karen mæti og rúlli upp verkefnunum með sinni einstöku fallegu orku.

NAFN: Emilia Plater

TITLAR: Sigurvegari í ýmsum hópa og einstaklings keppnum / battles í Póllandi.
Sigurvegari í Dancehall flokknum á Street Dans Einvíginu 2018 og 2019.

VIDEO:


BAKGRUNNUR:
Emilia er fædd og uppalin í Póllandi og kenndi í mörg ár við þekkta og virta dansskólann Fairplay.
Hún dansaði og keppti með danshópnum sínum Les Chattes og saman vöktu þær mikla athygli.

Emilia flutti til Íslands og kom okkur öllum á óvart með því að mæta einn daginn á Einvígið
og rúlla upp Dancehall flokknum. Þetta er orðið þema með erlendu danskennurunum okkar! Hún
er frábær kennari og agaður dansari með frábæran skilning á stílnum sem hún sérhæfir sig í:
Dancehall. Emilia varð fljótt að uppáhaldi innan sýningarhópanna okkar því hún er með ferska
og ólíka nálgun en við erum vön í Dancehall stílnum. Ekki skemmir fyrir að hún semur einstaklega
sterk sýningaratriði - allt með smitandi léttu fasi og góðum húmor.

Það er mikill fengur fyrir okkur á Íslandi að fá inn á borð til okkar svona hógværan og hæfileika-
ríkan dansara. Við erum þakklát fyrir Emiliu og vonum að hún staldri hjá okkur í langan tíma.

NAFN: Ola Getka

TITLAR: Sigurvegari í ýmsum hópa og einstaklings keppnum / battles í Póllandi.
Sigurvegari í Waacking flokknum á Street Dans Einvíginu 2018 og 2019.
Sigurvegari í 'All Styles' flokknum á Street Dans Einvíginu ásamt Kris 2019.

VIDEO:


BAKGRUNNUR:
Ola er þriðji Pólverjinn okkar sem við ættleiðum en hún mætti einnig í Einvígið eitt árið og
heillaði okkur öll upp úr skónum. Ola hefur dansað og kennt lengi í Póllandi við góðan orðstýr.
Það var partur af því að slaka á og skipta um gír að koma til Íslands, hún hafði fylgst með dans-
skólanum okkar í einhverja mánuði áður en hún ákvað að mæta í tíma. Það urðu fagnaðarfundir
því það er fátt eins gaman fyrir dansara eins og þegar þau hitta fólk á sömu bylgjulengd!

Við drógum hana inn og hún fór að söbba tíma, tók svo að sér sumarnámskeið og hélt fyrsta
Waacking viðburð á Íslandi sumarið 2019! Ola er hugsjónar- og orkubomba sem er ofboðslega
gaman að vinna með. Hún er nú þegar orðin mikilvægur partur af hópnum okkar og við hlökkum
til að fylgjast með hvað þessi einstaklega metnaðarfulli dansari mun gera á Íslandi!

NAFN: Mikael Christopher Grétarsson

TITLAR:

BAKGRUNNUR:
Mikki er ástríðufullur dansari og mikil áhugamanneskja um allt sem viðkemur Street dans-
menningu. Hann hefur æft hjá Natöshu í fjölda ára og er einn af hennar bestu nemendum sem
hefur einnig aðstoðað hana við kennslu síðan 2017. Hann hefur alltaf tekið þátt í öllum
viðburðum og með þessu aðlaðandi jafnaðargeði orðið að uppáhaldi okkar allra. Hann fylgist
vel með, lærir og æfir sig og er kominn með flottan orðaforða í Break, Popping og House m.a.

Það er ekki á hverju strái að maður finnur svona pottþétta manneskju eins og Mikka sem lifir
fyrir dansinn og getur hoppað inn í fjölbreytt verkefni, hvort sem það eru sýningar eða kennsla.
Við vonum að þið takið hann til fyrirmyndar því fólk eins og hann sannar það að góð vinnubrögð
og brennandi áhugi kemur manni langt. Við erum heppin að hafa Mikka sem hluta af teyminu!

NAFN: Poomi Krua Aim

TITLAR:

BAKGRUNNUR:
Poomi er einnig einn af bestu nemendum Natöshu og hefur lært hjá henni um árabil Break, House
og Hiphop. Hann hefur svo af sjálfsdáðum og í tímum hjá okkur einbeitt sér að Popping stílnum
sem hann sérhæfir sig í. Hann mætir í alla tíma, öll workshop og er búinn að koma okkur á óvart
í mörg ár því hann heldur sig alltaf til baka en án þess að hika þá tekur hann þátt í böttlum og
stelur allri athyglinni. Poomi er einstaklega vandaður og metnaðarfullur dansari sem gaman er að
fylgjast með, það eru svona dansarar sem valda öllum hinum dönsurunum miklum áhyggjum því þeir eru
stanslaust að bæta sig án þess að monta sig af því og mæta svo til að rústa öllu.

Poomi hefur aðstoðað Natöshu við kennslu síðan 2017 eins og Mikki, nú eru þeir að leggja grunninn að
því að byrja að kenna sjálfir og við getum ekki beðið eftir að geta stutt þá meira á þeirra ferðalagi.

NAFN: Anais Barthe

TITLAR:

BAKGRUNNUR:
Anais

NAFN: Mi Lin

TITLAR:

BAKGRUNNUR:
Mi Lin er frá Taiwan og er á Íslandi í skiptinámi, hún fann okkur og vildi endilega taka
þátt í gleðinni. Hún hefur æft og kennt lengi í Taiwan, kennararnir hennar eru einhverjir
þeir bestu í Taiwan sem er mikið sagt því Asía er ekkert grín í Street dansheiminum.

Við hlökkum mikið til að vinna með og kynnast Mi Lin en það er fátt eins hollt eins og að
blanda saman áhrifum, menningarheimum, lærdómi og nálgun í listum.

NAFN: Henry 'Link' Mcmillan frá Brooklyn, New York.

UMSJÓN: Sérstakur gestakennari 2014, 2015 og 2020.

BAKGRUNNUR:
Link er dansari dansaranna. Það þorir enginn í hann og allir koma sér fyrir til að horfa ef hann er
á dansgólfinu. Hann sækist ekki eftir sviðsljósinu en er í stanslausri eftirspurn um allan heim þar
sem hann kennir, sýnir, dæmir keppnir og miðlar sinni þekkingu um street dans. Link gerir allt -
Hiphop, House, Popping, Locking, Dancehall, Hustle ofl.

Þú hefur séð hann dansa í myndböndum hjá Michael Jackson, Will Smith, Mariah Carey, TLC, Diana
Ross, Gang Starr, Lil' Kim, Salt-N-Pepa, SWV, Guy, Heavy D ofl. Hann hefur einnig dæmt stærstu
street danskeppnir heims eins og Juste Debout (FR), Step Ya Game Up (US), SDK (RU), Style is King
(SW) og listinn heldur áfram.

Link er meðlimur í danshópnum Elite Force en þeir eru einhverjir eftirsóttustu kennarar heims í street
dansi. Með honum þar eru Buddha Stretch (sem kom til Íslands í fyrra), Brooklyn Terry, Bobby Milaege,
Loose Joint og Ejoe.

VIDEO:


MYNDIR:

NAFN: Emilio 'Buddha Stretch' Austin jr. frá Brooklyn, New York.

UMSJÓN: Sérstakur gestakennari 2013, 2014 og 2018.

BAKGRUNNUR:
Buddha Stretch er heimsþekktur dansari / danshöfundur / kennari og einn af frumkvöðlum
Hiphop dansins. Hann er maðurinn sem skýrði Hiphop stílinn 'Hiphop' og skilgreindi stílinn þannig
að veröldin gat fylgt eftir. Hann ferðast um allan heim til að kenna og dæma viðburði og er í mikilli
eftirspurn. Stretch hefur m.a. dæmt Juste Debout í París (stærsta Street dansviðburð í Evrópu, ef
ekki heiminum) og Hiphop International. Hann er maðurinn sem allir vilja læra hjá.

Stretch hefur m.a. unnið sem danshöfundur og dansari fyrir Michael Jackson, Will Smith og Mariah
Carey. En hann dansaði einnig við hlið stærstu Hiphop tónlistarmanna heims á 9. og 10. áratugnum.

Hann er stofnmeðlimur Elite Force Crew, aðrir meðlimir eru Link, Brooklyn Terry, Bobby Mileage og
Loose Joint. Þeir eru leiðandi í Hiphop dansi og hafa í sameiningu átt einn stærstan part í því að hinn
vestræni heimur lærði alvöru Street dans. Stretch átti einnig stóran part í því að Mop Top krúið varð
að veruleika en það er samansafn af þeim dönsurum sem mótuðu Hiphop og House stílana á
klúbbunum í New York á 9.
áratugnum.

VIDEO:


MYNDIR: