Myndir af uppáhalds kennurunum mínum og þeim sem hafa haft mikil áhrif á mig :) Love these people.
Ég vanda valið á þeim sem ég segi frá hér, ef þú ert einhverntíman að ferðast, fylgstu með og ef þau
eru að kenna nálægt þér - ekki missa af góðu tækifæri til að læra rétta nálgun á street stílunum.




Til vinstri:
Tyrone Proctor og ég á leiðinni í BDC stúdíóið í New York.
Þessi mynd var tekin u.þ.b. viku áður en hann vígði mig inn í The Imperial House of Waacking. Hann
stofnaði þann danshóp með Aus og þar eru bestu Waacking dansarar í heiminum á einum stað. Þar á
meðal Princess Lockeroo, Waackeisha, 1G ofl. Þetta var þvílíkur heiður og ég trúi því varla ennþá að ég
sé hluti af þessu krúi.  (New York sumar 2012)

Til hægri:
Archie Burnett, ég og Aldísin mín eftir síðasta tímann hans.
Hann er búinn að kenna mér síðan 2007, ástríðufullur kennari sem gefur manni innblástur í hverjum dans-
tíma. Archie kennir Vogue og Waacking og bar mikla ábyrgð á því að ég féll fyrir Waacking stílnum í fyrsta
lagi. I love him.  (New York sumar 2012)



Til vinstri:
Buddha Stretch og ég á Step Ya Game Up battlinu sem hann stendur fyrir árlega.
Hann er danspabbinn minn. Ég tók þátt í Step Ya Game Up í fyrsta sinn í sumar, Hiphop og Waacking.
Hrikalega stressandi og mikil reynsla. Stretch setur mig alltaf á rétta hillu í Hiphopinu.  (New York sumar 2012)

Til hægri:
Danielle Polanco, ég og Aldísin mín eftir síðasta tímann hennar.
Hún er núna að dansa og choreographa mikið fyrir Beyoncé. Ég hef lengi fylgst með henni og fíla hennar
stíl rosalega mikið. Stretch og Tweetie eru btw hennar helstu Hiphop kennarar :) (New York sumar 2012)



Til vinstri:
Audrey Bosc og ég eftir síðasta tímann hennar.
Hún er í Ragga Jam familíunni hennar Laure Courtellemont, sem ég lýt mikið upp til. Audrey er magnaður
danshöfundur og er með mikinn og flottan skilning á Dancehall stílnum. (París sumar 2012)

Til hægri:
Fatou Tera og ég eftir síðasta tímann hennar.
Hún er stofnandi danshópsins Sensuafro og eigandi dansstúdíósins MRG Studio. Ég hef fylgst með henni
lengi, rosalega flottur og nákvæmur Dancehall dansari. I love her!!. (París sumar 2012)

Til vinstri:
Guillaume Lorentz og ég eftir síðasta tímann hans.
Hann var uppáhaldið mitt í París. Það er eins og ég hafi alltaf verið í tímunum hans, þetta var það gott match.
Hann er hrikalega góður Dancehall dansari, ég fíla stílinn hans svo rosalega mikið. (París sumar 2012)

Til hægri:
Dómara sólóið mitt á Vogue battli í París.
Yes I did! Þvílíkur heiður að vera beðin um að dæma danskeppni í París. ótrúlega gaman. (París sumar 2012)



Til vinstri:
Link og ég eftir síðasta tímann í workshopinu hans.
Hann er í Elite Force Crew. Einhverjir bestu Hiphop tímar sem ég hef nokkurn tíman farið í. Link er með
tandurhreint approach að hiphopi og hefur þessa sál sem svo mörgum dönsurum vantar. Hann er magnaður
dansari (einn af mínum uppáhalds dönsurum, hann er ótrúlegur) og mjög góður kennari. Eltið þennan uppi!
Núna! (NYC sumar 2011)

Til hægri:
Ég og elsku besti Archie Burnett eftir síðasta tímann.
Hann er búinn að inspire me síðan ég sá hann dansa fyrst 2007. Ást hans á dansinum hefur aldrei dvínað,
það finnst þegar maður sér hann dansa á klúbbnum. Hann er enn eins og við unga fólkið, eldmóðurinn og
spennan skín frá honum. Tímarnir hans eru eins óútreiknanlegir og dansgólfið á klúbbunum á kvöldin. Hann
fer með okkur í ferðalag og gefur manni mikið af upplýsingum. Archie er yndislegur! (NYC sumar 2011)



Til vinstri:
Ég og Aus eftir einkatíma og hangout.
Hann er alltaf einn af mínum uppáhalds og aðal kennurum í Waacking og Vogueing. Aus er mjög sterkur
dansari og kemur mér sífellt á óvart. Það er alltaf refreshing að hitta hann, fara yfir stöðuna og re-focus.
Aus er engum líkur og ekki skemmir fyrir að hann er með frábæran húmor sem kemur skýrt fram í
performansi hjá honum, hehe. Hann er frábær! (NYC sumar 2011)

Til hægri:
Anneli vinkona, Benny Ninja og ég eftir Vogueing tíma með Benny.
Benny er father of the House of Ninja, mér finnst alltaf gaman að læra hjá honum. Hann er með þvílíkan
karakter og presensu bæði í dansi og almennt. Ef þú vilt skynja stílinn og læra hann innan frá þá mæli ég
með Benny... og hangtu utan í honum! hehe. Hann er frábær :) (NYC sumar 2011)




Til vinstri:
Ég og Javier Ninja á vogue night á Escuilitas. Þetta var kvöldið sem ég tók þátt í battlinu :)
Javier er í the House of Ninja og er einn aláhugaverðasti vogueing dansari síðari ára. Hann hefur búið sér
til þvílíkt orðspor og er einn af þessum örfáu sem virðist geta rústað öllu sem hann tekur sér fyrir hendur.
Æðisleg manneskja og magnaður dansari! Við vorum svo heppin að hann subbaði tímana þeirra Benny og
Archie eina vikuna á meðan þeir voru erlendis. (NYC sumar 2011)

Til hægri:
Ég, Princess Lockeroo og Rakel vinkona.
Lockeroo var með tveggja daga Waacking workshop og þetta voru rosa flottir tímar. Hún er svo öguð, búin
að þjálfa sjálfa sig í að vera mjög sérstakur dansari. Sumir dansarar gera algjöra sinn heim innan stílsins /
dansins, hún er að gera það fyrir sjálfa sig. Rosalega góður og sterkur dansari. Hún er í the Imperial House
of Waacking og vann HDI 2010. (NYC sumar 2011)



Til vinstri:
Ég og Eva Schou eftir Werkaholics auditionið (og ég komst inn í Werkaholics! Vúhú!!). Hún er frábær! Ég
var í einkatímum hjá henni og opnum tímum í Waacking og Vogueing. Þetta var rosalega skemmtileg ferð,
ég held ég hefði ekki getað ímyndað mér betri ferð! Mjög gaman að sjá líka krúið hennar Evu, þið getið
youtubað þau (Werkaholics). Það sést svo á þeim hversu vel hún kennir, hún hefur þjálfað þau rosa vel
og skilningur þeirra á stílunum er greinilega mikill. Sem segir hversu flottur kennari hún er. Mig er búið að
langa að þjálfa með henni lengi. (Kaupmannahöfn janúar 11)

Til hægri:
Ég og Alyssa Chloé eftir annað workshopið hennar á StreetStar, hún er rosalega flottur dansari og ólík
því sem ég er vön. Ég var mikið í tímunum hennar í NYC síðastliðið sumar og var oftast ekkert að kveikja
á stílnum hennar, því ég þekki ekki þetta approach sem Ana Sanchez og Shabba Doo (sem eru hennar
kennarar) taka á Waacking stílinn. Núna finnst mér hún hafa vaxið mikið og orðið enn sérstakari, komin
með breiðari orðaforða og ég bara féll fyrir þessu sem hún er að gera. (Stokkhólmur janúar 11)



Til vinstri:
Ég og Benny Ninja eftir síðasta tímann hjá honum. Hann gefur mér svo mikið og ýtir mér áfram.
Æðislegur dansari og frábær kennari. Gangandi Legend! (NYC ágúst 10)

Til hægri:
Ég og yndislegi kennarinn minn Tyrone Proctor. Án hans hefði ég aldrei komist inn í Waacking, hann
heldur áfram að skerpa á mér í hvert sinn sem ég æfi hjá honum. Allir bestu Waacking dansarar í heiminum
í dag eru "börnin hans", án vafa sá allra mikilvægasti, love him. (NYC ágúst 10)



Til vinstri:
Ég og Javier Ninja eftir einkatíma. Hann hefur lært undir Benny og fleirum, er á mínum aldri og sýndi
fljótlega ótrúlega hæfileika í vogueing. Hann basically rústar öllum sem hann mætir og er einn af þessum
örfáu sem gjörsamlega láta mann gapa. Það er magnað að læra hjá Javier. (NYC ágúst 10)

Til hægri:
Ég og Melanie Aguirre, hún er búin að læra hjá þeim bestu og er með gott orðspor, æðislega fallegur
dansari, hefur einnig bakgrunn í bellydance (eins og ég). Hún er stofnandi The House of M sem er hús opið
öllum, þar vill hún sameina dansara í sundraðri senunni og efla samvinnu. Hún er frábær! (NYC ágúst 10)



Til vinstri:
Ég og Danielle Polanco. Hún er gangandi legend dagsins í dag, er á mínum aldri og hefur choreografað
fyrir Beyoncé ofl. Hún er ein sú fyrsta straight stelpan sem 'walked the balls' eða tók þátt í vogue senunni
og stundaði the ballroom scene eins og það er kallað. Ég er búin að fylgjast með henni lengi, því það eru
ekki margar stelpur sem eru causing ruckus í vogue senunni, its all boys! Rosa gaman að fá að læra hjá
henni :) (NYC ágúst 10)

Til hægri:
Ég og besti dansari og kennari i öllum heiminum og geiminum, Buddha Stretch! Þarna er sæta kærastan
hans líka, Uko (sem er sjálf rosalegur dansari! Enda búin að stúdera þann besta). Hann skerpir á mér og
setur mig aftur á beinu brautina, í hvert sinn. He's everything!! :) :) (NYC ágúst 10)



Til vinstri:
Ég, Dashaun Evisu og Xavier vinur minn eftir síðasta tímann okkar með Dashaun. Eins og nafnið gefur til
kynna er hann í the House of Evisu. Hann er líka í Vogue Evolution, frá America's best dance crew sem þið
á Íslandi kannist frekar við. Flottir tímar og hann er góður kennari, hann er legend í vogue senunni í dag. Gjörsamlega geðveikur dansari, það er magnað að sjá hann dansa. (NYC ágúst 10)

Til hægri:
Ég og Abdul Ebony eftir einkatíma. Hann fokkaði mér upp (excuse my french), hann aldi mig upp í Old Way
bæði á klúbbnum og í stúdíóinu. Hann hefur verið partur af vogue senunni í mörg mörg ár og er mjög vitur
um stílinn... og harður kennari! Yndisleg manneskja! (NYC ágúst 10)



Til vinstri:
Ég og Lockeroo eftir einkatíma. Hún er ekkert grín, rosa góður kennari enda on fire og var að vinna HDI
keppnina í ár, Waacking. Hún er the Princess of The Imperial House of Waacking. Rosalegur dansari og það
var æði að fá að læra hjá henni! Þvílík inspiration! (NYC ágúst 10)

Til hægri:
Ég og Ejoe eftir síðasta House tímann hans. Ejoe setur upp House Dance International á hverju ári, þar sem
eru battles og workshops, eitt besta djamm ársins. Hann hefur verið partur af senunni í svo langan tíma og
er einn af lykilmanneskjunum um urban dans í heiminum. (NYC ágúst 10)



Ég og Benny Ninja eftir vogueing workshop! Hann er Father of the House of Ninja, Willie Ninja stofnandi
hússins erfði Benny að 'titlinum' þegar hann dó 2006. Benny hefur verið vogueing síðan á 9. áratugnum,
hann hefur aflað sér mikillar virðingar innan ballroom senunnar en er núna byrjaður að kenna út um allan
heim. Þú gætir hafa séð hann í ANTM. Hann er með rosalega þekkingu á Vogue stílnum, einn af aðal
gaurunum basically. (París mars 2010)



Til vinstri:
Renaz vinkona, Tweetie og ég eftir tíma hjá Tweetie. Hún kennir líka ALVÖRU hiphop og er yndislegur
karakter. Hún er ennþá uppáhalds kvenkyns dansarinn minn. Hands down. (NYC júl-ág 09)

Til hægri:
Buddha Stretch og ég eftir einkatíma. Hann er alltaf að skerpa á mér (hiphop), veitir lífsnauðsynlegan
innblástur og er bara generally bestur í heimi. hehe. (NYC jan 09)



Til vinstri:
Aus, ég og Tyrone Proctor eftir master class í waacking og vogueing. Þeir eru að setja saman krúið The
Imperial House of Waacking, sem er fyrsta waacking húsið í NYC. Tímar hjá þeim tvem eru deadly! Frábært
combo og einir bestu kennarar sem ég þekki. Ég tel mig heppna að fá að læra hjá þeim. (NYC jan 09)

Til hægri:
Ég, Jazzy J og Renaz vinkona mín eftir tíma hjá Jazzy. Hann er með eina bestu tímana í New York. var hjá
honum í popping, boogaloo og locking. Hann er með mikla reynslu og þekkingu á dansinum, ómetanlegt
að fá að læra hjá manni eins og honum. Hann er af eldri kynslóðinni, meðlimur í The Electric Boogaloos. Fire.
(NYC júl-ág 09)



Til vinstri:
Marjory og ég eftir House tíma. Hún er lykilmanneskja í senunni í New York, þekkir danssenuna út og inn.
Ég hef verið mjög hikandi við að koma mér út í House stílinn en eftir að ég kynntist tímunum hennar þá
skil ég stílinn (loksins, hehe) og hlakka alltaf til að dansa hjá henni. Marjory er einn áhrifamesti og flottasti
kennari sem ég hef kynnst! (NYC júl-ág 09)

Til hægri:
Ég, Loose Joint og Renaz vinkona eftir tíma hjá Loose Joint. Hann er í Elite Force familíunni = hann er sick
with it. Ef þú vilt læra alvöru hiphop, þá ferðu til gaura eins og hans (T.d. Buddha Stretch, Brian Green,
Tweetie, Link, Ejoe, Bobby Mileage). The Authentic Hiphop Style. Það er kominn tími til að fólk fari að átta
sig á muninum á hiphop og jazz! Amen! :) (NYC júl-ág 09)



Til vinstri:
Ég, Svea, Archie Burnett og Alyssa eftir tíma. Archie er ótrúlegur, er með frábæra tíma og gefur manni
alltaf eitthvað í hvert sinn. Hann kennir og LIFIR waacking og vogueing. Þú hefur ekki séð stílana fyrr en
þú sérð hann dansa (og Tyrone og Aus). Period. (NYC jan 09)

Til hægri:
Ég og Jazzy J. Hann er mikill áhrifavaldur innan Funk stílanna (boogaloo, popping, locking) og er einn af
þessum fáu true school gaurum sem er hægt að nálgast fyrir kennslu (sannur stílnum, fönkinu og sögunni).
Hann er meðlimur the Electric Boogaloos og hefur dansað með The Original Lockers. Það er ómetanlegt að
geta lært hjá manni eins og honum. (NYC jan 09)



Til vinstri:
Ég og Spex eftir einkatíma. Hann skerpti á hiphopi og social dönsunum með mér, fróður um söguna. Hann
hefur dansað með mörgum af þekktustu hiphop artistum okkar tíma. (NYC júl-ág 08)

Til hægri:
Ég og Aus, hann þjálfaði mig í Vogueing (Old Way, New Way, Vogue Femme) og Waacking. Þarna erum
við nýkomin af æfingu í Battery Park. Var hjá honum í einkatímum og þjálfun í hálfan mánuð, rosalega
nákvæmur og góður kennari. Ég á honum mikið að þakka. (NYC júl-ág 08)



Til vinstri:
Ég og Buddha Stretch með dvd kennslu diskinn hans sem ég hannaði útlitið á (looks good, right? hehe).
Þessi maður ER hiphop dans. (NYC júl-ág 08)

Til hægri:
Ég og Aus Ninja eftir einkatíma. Hann er meðlimur í the legendary House of Ninja, sem er krú sett saman
af frumkvöðlinum Willie Ninja. Aus kennir um allan heim ásamt Tyrone Proctor. Núna er hann líka í The
Imperial House of Waacking, stofnað af honum og Tyrone. (NYC júl-ág 08)



Til vinstri:
Ég og Jimmy Williams eftir einkatíma, hann er locking, boogaloo og popping dansari frá London. Frábær
kennari og dansari. Lærði hjá honum locking. Bestu tímarnir í London! ...Ekki mikil samkeppni reyndar,
hehe. En hann er með eina bestu tíma sem ég veit um! (LONDON vor 08)

Til hægri:
Ég og Tweetie, stjórnandi þáttanna Dances from the hood á MTV. Hefur dansað með Elite Force, Mop Top
ofl. Ég var í einkatímum hjá henni að læra þ.á.m. nýju social dansana. Ásamt því að vera í opnum tímum.
Hún er yndisleg og gaf mér mikla innsýn í danssenuna. Ég lærði jafn mikið af því að tala við hana og dans-
kennslunni. (NYC sumar 07)



Til vinstri:
Ég og Brian Green, eigandi the House Dance Conference. Hann er með eitthvað það svakalegasta orðspor
í bransanum. Lærði í einkatímum hjá honum hiphop, waacking og isolations. Ásamt því að fara í opna hip-
hop tíma til hans. Brian er ekki allra því hann er mjög harður og gagnrýninn kennari. Ég hef lært alveg
ofboðslega mikið af honum - sérstaklega varðandi minn eigin stíl. (NYC sumar 07)

Til hægri:
Ég og Buddha Stretch! Elite Force Crew. Fyrsti hiphop danshöfundurinn, fyrsti maðurinn til að kenna hiphop
í virtu dansstúdíói. Choreografaði fyrir Michael Jackson (Do You Remember the Time myndbandið). Hann
er frumkvöðull og leiðandi í hiphopi. Hann kenndi mér allt um hiphop, locking, boogaloo, popping og sögu
dansanna. Var í einkatímum hjá honum alla þessa 2 mánuði sem ég dvaldi þarna. (NYC sumar 07)



Til vinstri:
Ég, Aus Ninja og Tyrone "the Bone" Proctor sjálfur. Frumkvöðull í waacking, original Soul Train dansari.
Einn af fáum eftirlifandi sem kennir ennþá. Hann hefur verið einn af mínum bestu kennurum, ásamt Aus.
Þarna, í þessu stúdíói (Fazil's) féll ég fyrir waacking og lærði um stílinn í fyrsta sinn. Myndin var tekin þegar
ég hafði lært hjá Tyrone í sirka mánuð. (NYC sumar 07)

Til hægri:
Ég og Suga Pop. Hann er í the legendary Electric Boogaloos, sem er krú sett saman af skapara stílsins
Sammy Solomon (Boogaloo Sam). Fór á boogaloo og locking workshop hjá honum. Honestly, þá var ég
svo starstruck þegar ég sá hann að ég stamaði! haha! (NYC sumar 07)